www.jamia.co

اختتامی (دعائیہ) کلپ

خاتمہ از امام سیوطی (ویڈیو میں یہ خاتمہ نہیں دعا ہے)۔

واعلم أن هذا الباب فيه أحاديث كثيرة جداً، لكن هذه عجالة لمن أحب الوقوف على ذلك، والحمد لله الملك المالك أولاً وآخراً وباطناً وظاهراً، وصلى الله على سيدنا محمد وعلى آله وصحبه وأزواجه وذريته وسلم تسليماً كثيراً دائماً أبداً سرمداً إلى يوم الدين، وحسبنا الله ثم الحمد لله والصلاة على رسوله۔
تم الكتاب بعون الملك الوهاب۔

جان لو!کہ اس بیان میں بے شمار احادیث ہیں مگر یہ رسالہ اس موضوع کی معلومات چاہنے والے کے لئے مختصر بیان ہے۔
    اور تمام خوبیاں اللہ کو جس کی بادشاہی ہے وہی اول وآخر، ظاہر وباطن مالک ہے۔ اور اللہ تعالیٰ درود نازل فرمائے ہمارے آقا محمدﷺ پر اور ان کی آل واصحاب اور ازواج وذُرِّیَّات پر اور ہمیشہ ہمیشہ تاقیامت خوب خوب سلامتی نازل فرمائے۔ اور اللہ ہمیں کافی پھر اللہ ہی کو خوبیاں اور درود اس کے رسول ﷺ پر۔
اللہ مَلِک (بادشاہ) ووَھَّاب (خوب عطا فرمانے والے) کی مدد سے کتاب مکمل ہوئ

چالیسویں حدیث

عن أنس [رضی اللہ عنہ] أن رسول الله ﷺ قال لحسان: ’’هل قلت في أبي بكر شيئا‘‘ قال: نعم، قال: ’’قل! وأنا أسمع‘‘ فقلتُ

وَثانِيَ اثْنَينِ في الغارِ الْمُنِیْفِ وَقَد
طافَ العَدُوُّ بِہِ إذْ صاعَدَ الجَبَلا
وَكانَ حِبَّ رَسولِ اللَهِ قَد عَلِموا
مِنَ البَرِيَّةِ لَم يَعـدِل بِهِ رَجُلا

فضحك رسول الله ﷺ حتى بدت نواجذه ثم قال: ’’صدقت يا حسان هو كما قلت‘‘۔ أخرجه ابن عدي وابن عساكر۔

حضرت انس رضی اللہ عنہ سے مروی ہے کہ رسول اللہ ﷺ نے حضرت حسان رضی اللہ عنہ سے فرمایا، کیا آپ نے ابوبکر کی شان میں بھی شعر کہے ہیں؟ عرض کی، جی ہاں، فرمایا، پڑھئے میں بھی سنوں!! (حضرت حسان فرماتے ہیں ) میں نے پڑھا

وَثانِيَ اثْنَينِ في الغارِ الْمُنِیْفِ وَقَد
طافَ العَدُوُّ بِہِ إذْ صاعَدَ الجَبَلا
وَكانَ حِبَّ رَسولِ اللَهِ قَد عَلِموا
مِنَ البَرِيَّةِ لَم يَعـدِل بِهِ رَجُلا
ترجمہ: دو جان سے جب وہ دونوں بلند غار میں تھے اور دشمن ان پر گزرے جب وہ بلند پہاڑ پر چڑھے، اور وہ تو رسول اللہ ﷺ کے محبوب ہیں بے شک لوگوں
نے جان لیا کہ مخلوق میں ان کے برابر کوئی شخص نہیں۔
    تو رسول اللہ ﷺ نے تبسم فرمایا یہاں تک کہ آپ کے نواجذ (دندانِ مبارک) نظر آنے لگے اور فرمایا، اے حسان! آپ نے سچ کہا ان کی شان ایسی ہی ہے جیسے آپ نے فرمایا۔اس حدیث کو ابنِ عدی اور امام ابن عساکر نے تخریج کیا ہے۔

انتالیسویں حدیث

عن ابن عمر [رضي الله عنهما] أن رسول الله ﷺ قال: ’’أنا أول من تنشق عنه الأرض، ثم أبو بكر وعمر، فنحشر فنذهب إلى البقيع فيحشرون معي، ثم أنتظر أهل مكة فيحشرون معي ونُبعَث بين الحرمين‘‘۔ أخرجه الترمذي وقال حسن غريب۔

حضرت عبد اللہ بن عمر رضی اللہ عنہما سے مروی ہے کہ رسول اللہ ﷺ نے فرمایا، بے شک جس کے لئے سب سے پہلے زمین کھلے گی وہ میں ہوں پھر ابو بکر وعمر کے لئے کھلے گی، ہم (تینوں) جمع ہوں گے اور بقیع کی جانب جائیں گے بعد ازاں اہلِ بقیع میرے ساتھ جمع ہوں گے پھر میں اہلِ مکہ کا انتظار کروں گا تو وہ بھی میرے ساتھ جمع ہوجائیں گے اور ہم حرمین کے درمیان بھیجے جائیں گے۔اس حدیث کو امام ترمذی نے تخریج کیا اور فرمایا یہ حدیث حسن غریب ہے۔

اڑتیسویں حدیث

عن ابن مسعود [رضی اللہ عنہ] أن رسول الله ﷺ قال: ’’إن لكل نبي خاصة من أصحابه، وإن خاصتي من أصحابي أبو بكر وعمر‘‘۔ أخرجه الطبراني في الكبير

حضرت عبد اللہ بن مسعود رضی اللہ عنہ سے مروی ہے کہ رسول اللہ ﷺ نے فرمایا، بےشک ہر نبی کے کچھ خاص صحابہ ہوتے ہیں اور میرے صحابہ سے دو خاص ابو بکراور عمر ہیں۔اس حدیث کو امام طبرانی نے کبیر میں تخریج کیا۔

سنتیسویں حدیث

عن أنس رضی اللہ عنہ أن رسول الله ﷺ قال: ’’أرأف أمتي أبو بكر، وأشدهم في دين الله عمر، وأصدقهم حياء عثمان، وأقضاهم علي بن أبي طالب، وأفرضهم زيد بن ثابت، وأقرأهم لكتاب الله أُبي بن كعب، وأعلمهم بالحلال والحرام معاذ بن جبل، ألا وإن لكل أمة أمين وأمين هذه الأمة أبو عبيدة بن الجراح‘‘۔ أخرجه ابن عساكر وغيره

حضرت انس رضی اللہ عنہ سے مروی ہے کہ رسول اللہ ﷺ نے فرمایا، میری امت کے رحم دل ابو بکر ہیں، اللہ کے دین میں شدید تر عمر ہیں، حیاءمیں سچے عثمان ہیں، اور فیصلہ صادر فرمانے میں منصف علی بن ابی طالب ہیں، علمِ میراث میں زید بن ثابت، اور قرآن مجید کی قراءت میں ابی بن کعب، اور حلال وحرام کے علم میں معاذ بن جبل برتر، سنو! ہر امت کا ایک امین ہوتا ہے اور اس امت کے امین ابوعبیدہ بن جراح ہیں۔اس حدیث کو امام ابنِ عساکر وغیرہ نے تخریج کیا ہے۔ (خیال رہے کہ جو خوبیاں دیگر صحابۂ  کرام علیہم الرضوان میں فرداً فرداً پائی جاتی ہیں سیدنا صدیق اکبر رضی اللہ عنہ  تنہا ان خوبیوں کا پیکر ہیں۔ ۱۲ مترجم)۔

چھتیسویں حدیث

عن سمرة [رضی اللہ عنہ] أن رسول الله ﷺ قال: ’’إن أبا بكر يؤول الرؤيا، وإن الرؤيا الصالحة حظ من النبوة‘‘۔ أخرجه الطبراني في الكبير

حضرت سمرہ رضی اللہ عنہ سے مروی ہے کہ رسول اللہ ﷺ نے فرمایا، بے شک ابوبکر خوابوں کی تاویل بیان کرتے ہیں اور بلاشبہ نیک خواب نبوت کا حصہ ہیں۔ اس حدیث کو طبرانی نے کبیر میں تخریج کیا۔

پنتیسویں حدیث

عن أنس [رضی اللہ عنہ] أن رسول الله ﷺ قال: ’’إني لأرجو لأمتي بحب أبي بكر وعمر كما أرجو لهم بقول لا إله إلا الله‘‘۔ أخرجه الديلمي

حضرت انس رضی اللہ عنہ سے مروی ہے کہ رسول اللہ ﷺ نے فرمایا، میں اپنی امت سے ابو بکر وعمر سے محبت کی یوں ہی امید رکھتا ہوں جیسے ان کے لئے لاَ اِلٰہَ اِلاَّ اللہ کہنے (یعنی ایمان) کی خواہش ہے۔اس حدیث کو دیلمی نے تخریج کیا۔

چونتیسویں حدیث

عن معاذ [رضی اللہ عنہ] أن رسول الله ﷺ قال: ’’إن الله تعالى يكره في السماء أن يخطأ أبو بكر الصديق‘‘۔ أخرجه الحارث بن أبي أسامة

حضرت معاذ رضی اللہ عنہ سے مروی ہے کہ رسول اللہ ﷺ نے فرمایا، بے شک  اللہ تعالیٰ اپنے شایانِ شان سرِ عرش ناپسند فرماتا ہے کہ ابو بکر (زمین پر) غلطی کریں (یعنی، اللہ تعالیٰ نے آپ کو غلطیوں سے محفوظ فرمالیا ہے)۔اسے حارث بن ابی اسامہ نے تخریج کیا۔

تنتیسویں حدیث

عن أبي سعيد [رضی اللہ عنہ] أن رسول الله ﷺ قال: ’’إن الله خيّر عبداً بين الدنيا وبين ما عنده، فاختار ذلك العبد ما عند الله‘‘۔ فبكى أبو بكر، فقال: ’’يا أبا بكر لا تبك إن أمنّ الناس عليّ في صحبته وماله أبو بكر، ولو كنت متخذاً خليلاً غير ربي لاتخذت أبا بكر خليلاً، ولكن أُخُوَّة الإسلام ومودته، لا يبقين في المسجد باب إلا سد، إلا باب أبي بكر‘‘۔ أخرجه مسلم وغيره

حضرت ابو سعید رضی اللہ عنہ سے مروی ہے کہ رسول اللہ ﷺ نے فرمایا، بے شک اللہ تعالیٰ نے اپنے ایک بندہ کو اختیار دیا ہے کہ دنیا میں رہے یا اس کے پاس، لہٰذا اس بندے نے اللہ کے ہاں رہنے کو چُن لیا۔ تو یہ سن کر ابو بکر رضی اللہ عنہ رونے لگے (کیونکہ آپ رضی اللہ عنہ اپنی کمال فراست کے سبب جان گئے تھے کہ نبی کریم ﷺ اپنے وصال مبارک کی خبر دے رہے ہیں)، تو نبی کریم ﷺ نے فرمایا، اے ابو بکر مت روئیے! تمام لوگوں میں اپنی صحبت ومال کے اعتبار سے مجھ پر بڑا احسان کرنے والے ابو بکر ہی ہیں۔ اگر میں اپنے رب کے علاوہ کسی کو دلی دوست بناتا تو ابو بکر کو دوست بناتا لیکن آپ اسلام کا بھائی چارا اور اس کی دوستی ہیں۔ مسجد میں تمام دروازے بند کردئیے جائیں سوائے ابو بکر کے دروازے کے۔اس حدیث کو امام مسلم وغیرہ نے تخریج کیا۔

بتیسویں حدیث

عن ابن عباس [رضي الله عنهما] أن رسول الله ﷺ قال: ’’إن الله أيدني بأربعة وزراء: اثنين من أهل السماء جبريل وميكائيل، واثنين من أهل الأرض أبي بكر وعمر‘‘۔ أخرجه الخطيب وابن عساكر والطبراني في معجمه الكبير

حضرت عبد اللہ بن عباس رضی اللہ عنہما سے مروی ہے کہ رسول اللہ ﷺ نے فرمایا، بے شک اللہ تعالیٰ نے چار وزیروں کے ذریعہ میری مدد فرمائی ہے دو آسمان والے: جبریل اور میکائیل اور دو زمین والے: ابو بکر اور عمر۔ اس حدیث کو خطیب بغدادی اور ابنِ عساکر نے، اور امام طبرانی نے اپنی معجم کبیر میں تخریج کیا۔

اکتیسویں حدیث

عن ابن عمر [رضي الله عنهما] أن رسول الله ﷺ قال: ’’إن الله أمرني بحب أربعة من أصحابي وقال أحبهم: أبو بكر وعمر وعثمان وعلي‘‘۔ أخرجه ابن عساكر وغيره

حضرت عبد اللہ بن عمر رضی اللہ عنہما سے مروی ہے کہ رسول اللہ ﷺ نے فرمایا، بے شک اللہ تعالیٰ نے مجھے میرے صحابہ میں سے چار سے (زیادہ) محبت کا حکم فرمایا اور فرمایا کہ ان سے محبت کیجئے: ابو بکر، عمر، عثمان اور علی۔(رضی اللہ عنہم اجمعین) اسے ابنِ عساکر نے تخریج کیا۔

تیسویں حدیث

عن جابر [رضی اللہ عنہ] أن رسول الله ﷺ قال: ’’إن الله اختار أصحابي على جميع العالمين سوى النبيين والمرسلين، واختار لي من أصحابي أربعة فجعلهم خير أصحابي وفي كل أصحابي خير: أبو بكر وعمر وعثمان وعلي. واختار أمتي على سائر الأمم فبعثني في خير قرن ثم الثاني ثم الثالث تترى ثم الرابع فرادى‘‘۔ أخرجه أبو النعيم والخطيب وقال غريب وابن عساكر

حضرت جابر رضی اللہ عنہ سے مروی ہے کہ رسول اللہ ﷺ نے فرمایا، بے شک اللہ تعالیٰ نے میرے صحابہ کو انبیاءومرسلین کے علاوہ تمام جہاں والوں پر فضیلت عطا فرمائی اور میرے لئے میرے صحابہ سے چار کو چُن لیا اور انہیں میرے بہترین صحابی بنایاجبکہ میرے ہر صحابی میں خیر ہی ہے (وہ چار): ابو بکر وعمر وعثمان وعلی۔ اور میری امت کو تمام امتوں سے فضیلت عطا فرمائی اور مجھے بہترین زمانِہ میں مبعوث فرمایا، پھر دوسرا اور تیسرا زمانہ پے در پے (بہتر) ہیں پھر چوتھا زمانہ علیٰحدہ ہے۔ اس حدیث کو ابو نُعیم نے اور خطیب بغدادی نے تخریج کیا اور فرمایا یہ غریب ہے اور ابن عساکر نے بھی تخریج کیا۔

انتیسویں حدیث

عن سمرة [رضی اللہ عنہ] أن رسول الله ﷺ قال: ’’أمرت أن أولي الرؤيا أبا بكر‘‘۔ أخرجه الديلمي. وكان أعبر أصحاب رسول الله ﷺ للرؤيا الصديق كرم الله وجهه ورضي عنه

حضرت سمرہ رضی اللہ عنہ سے مروی ہے کہ رسول اللہ ﷺ نے فرمایا، مجھے حکم فرمایا گیا کہ میں خواب کی تعبیر ابو بکر سے معلوم کروں۔اس حدیث کو دیلمی نے تخریج کیا۔ نبی کریم ﷺ کے صحابہ رضی اللہ عنہم میں حضرت ابو بکر صدیق رضی اللہ عنہ سب سے بہتر خوابوں کی تعبیر بیان کرتے۔

اٹھائیسویں حدیث

عن سهل بن أبي حثمة [رضی اللہ عنہ] أن رسول الله ﷺ قال: ’’إذا أنا مت وأبو بكر وعمر، فإن استطعت أن تموت فمت‘‘۔ أخرجه أبو نعيم في الحلية وابن عساكر

حضرت سہل بن ابی حثمہ رضی اللہ عنہ سے مروی ہے کہ رسول اللہ ﷺ نے فرمایا، جب میرا وصال ہوجائے اور ابو بکر اور عمر کا وصال ہوجائے، تو اگر تم سے ہوسکے کہ مرجاؤ تو مرجانا۔اس حدیث کو ابو نعیم نے حلیہ میں اور ابن عساکر نے تخریج کیا۔

ستائیسویں حدیث

عن أبي الدرداء [رضی اللہ عنہ] أن رسول الله ﷺ قال: ’’اقتدوا بالذين من بعدي: أبي بكر وعمر، فإنهما حبل الله الممدود من تمسك بهما فقد تمسك بالعروة الوثقى التي لا انفصام لها‘‘۔ أخرجه الطبراني في الكبير

حضرت ابو درداء رضی اللہ عنہ سے مروی ہے کہ رسول اللہ ﷺ نے فرمایا، ان دونوں کی پیروی کرو جو میرے بعد ہیں، ابو بکر اور عمر پس یہ دونوں اللہ کی مضبوط رسّی ہیں جس نے انہیں تھام لیا تو بلاشبہ ایسے مضبوط حلقِہ کو تھام لیا جس کے لئے کوئی جُدائی نہیں۔اس حدیث کو امام طبرانی نے کبیر میں تخریج کیا۔

چھبیسویں حدیث

عن حذيفة [رضی اللہ عنہ] أن رسول الله ﷺ قال: ’’اقتدوا بالَّذَينِ من بعدي: أبي بكر وعمر‘‘۔ أخرجه الترمذي وحسنه

حضرت حذیفہ رضی اللہ عنہ سے مروی ہے کہ رسول اللہ ﷺ نے فرمایا، ان دونوں کی پیروی کرو جو میرے بعد ہیں، ابو بکر وعمر۔اس حدیث کو امام ترمذی نے تخریج کیا اور اسے حدیثِ حسن قرار دیا۔

پچیسویں حدیث

عن عائشة [رضي الله عنها] أن رسول الله ﷺ قال: ’’ادعي أبا بكر أباك وأخاك حتى أكتب كتاباً، فإني أخاف أن يتمنى متمن ويقول قائل: أنا أولى، ويأبى الله والمؤمنون إلا أبا بكر‘‘۔ أخرجه الإمام أحمد ومسلم

ام المؤمنین سیدہ عائشہ صدیقہ رضی اللہ تعالیٰ عنہا سے مروی ہے کہ رسول اللہ ﷺ نے فرمایا، (اے عائشہ!) اپنے والد ابو بکر اور اپنے بھائی کو بلائیے تاکہ میں ان کے لئے ایک مکتوب لکھ دوں، مجھے خوف ہے کہ کوئی شخص تمنّا کرے گا اور کہنے والا کہے گا کہ میں (خلافت کا) حق دار ہوں، حالانکہ (حقِ خلافت میں) اللہ اور تمام مومنین ابوبکر کے سواءسب کا انکار کرتے ہیں۔اس حدیث کو امام احمد و مسلم نے تخریج کیا۔

چوبیسویں حدیث

عنه أن رسول الله ﷺ قال: ’’أحشر يوم القيامة بين أبي بكر وعمر حتى أفق بين الحرمين، فيأتيني أهل المدينة وأهل مكة‘‘۔ أخرجه ابن عساكر

حضرت عبد اللہ بن عمر رضی اللہ عنہما ہی سے مروی ہے کہ رسول اللہ ﷺ نے فرمایا، میں بروزِ قیامت ابو بکر وعمر کے درمیان جمع ہوں گا یہاں تک کہ میں حرمین شریفین (یعنی مکۂ مکرمہ اور مدینۂ منورہ) کے درمیان آؤں گا۔ پھر میرے پاس اہلِ مدینہ اور اہلِ مکہ (اپنی قبروں سے اُٹھ کر) حاضر ہوں گے۔اس حدیث کو امام ابنِ عساکر نے تخریج کیا۔

تیئیسویں حدیث

عن ابن عمر [رضي الله عنهما] أن رسول الله ﷺ قال: ’’أحشر أنا وأبو بكر وعمر يوم القيامة هذا -وأخرج السبابة والوسطى والبنصر- ونحن مشرفون على الناس‘‘۔ أخرجه الترمذي الحكيم

حضرت عبد اللہ بن عمر رضی اللہ عنہما سے مروی ہے کہ رسول اللہ ﷺ نے فرمایا، میں اور ابو بکر اور عمر بروزِ قیامت ساتھ جمع ہوں گے (یہ بیان کرتے ہوئے نبی کریم ﷺ نے اپنی انگشتِ شہادت، بیچ والی مبارک اُنگلی اور اس کے ساتھ والی انگشتِ مقدس آپس میں ملائیں، اور فرمایا) اور ہم، لوگوں پر مہربان ہوں گے۔اس کی تخریج حکیم ترمذی نے کی۔

بائیسویں حدیث

عن عمرو بن العاص [رضی اللہ عنہ] أن رسول الله ﷺ قال: ’’أحب النساء إليّ عائشة، ومن الرجال أبوها‘‘۔ أخرجه الشيخان

حضر ت عَمرو بن العاص رضی اللہ عنہ سے مروی ہے کہ رسول اللہ ﷺ نے فرمایا، میرے نزدیک عورتوں میں سب سے محبوب عائشہ ہیں اور مردوں میں ان کے والد (یعنی صدیقِ اکبر رضی اللہ عنہ) ہیں۔اس حدیث کو امام بخاری ومسلم نے تخریج کیا۔

اکیسویں حدیث

عن أبي أمامة [رضی اللہ عنہ] أن رسول الله ﷺ قال: ’’أتيت بكفة ميزان فوُضعتُ فيها وجيء بأمتي فوُضعتْ في الكفة الأخرى، فرجحتُ بأمتي. ثم رُفعتُ وجيء بأبي بكر فوُضِع في كفة الميزان فرجح بأمتي. ثم رُفِع أبو بكر وجِيْء بعمر بن الخطاب فوُضِع في كفة الميزان فرجح بأمتي، ثم رفع الميزان إلى السماء وأنا أنظر إليه‘‘۔ أخرجه أبو نعيم في الفضائل

حضرت ابو امامہ رضی اللہ عنہ سے مروی ہے کہ رسول اللہ ﷺ نے فرمایا، مجھے میزان (ترازو) کے پلڑے کے پاس لایا گیا اور مجھے اس میں رکھ دیا گیا اور میری امت کو لایا گیا اور انہیں دوسرے پلڑے میں رکھ دیا گیا تو میں اپنی امت پر غالب رہا، پھر مجھے اُٹھا لیا گیا اور ابو بکر کو لایا گیا پھر انہیں ترازو کے اس پلڑے میں رکھا گیا تو وہ (بھی) میری امت پر غالب رہے۔ پھر ابو بکر کو اُٹھا لیا گیا اور عمر بن خطاب کو لایا گیا اور انہیں بھی ترازو کے اس پلڑے میں رکھا گیا تو وہ (بھی) میری امت پر غالب رہے۔ پھر اس میزان (ترازو) کو آسمان کی طرف اُٹھا لیا گیا جبکہ میں اسے دیکھ رہا تھا۔اس حدیث کو ابو نُعیم نے فضائل میں تخریج کیا۔

بیسویں حدیث

عن أبي الدرداء [رضی اللہ عنہ] قال: رأى النبي ﷺ رجلاً مشى أمام أبي بكر فقال له: ’’أتمشي أمام من هو خير منك؟ إن أبا بكر خير من طلعت عليه الشمس وغربت‘‘۔ وأخرج الحديث أبو نعيم في ’’فضائل الصحابة‘‘ ولفظه: ’’أتمشي أمام من هو خير منك ألم تعلم أن الشمس لم تشرق أو تغب على أحد خير من أبي بكر، ما طلعت الشمس ولا غربت بعد النبيين والمرسلين على أحد أفضل من أبي بكر‘‘۔

حضرت ابو درداء رضی اللہ عنہ سے مروی ہے فرماتے ہیں کہ نبی کریم ﷺ نے ایک شخص کو دیکھا جو حضرت ابو بکر رضی اللہ عنہ سے آگے آگے چل رہا تھا تو آپ ﷺ نے اس سے فرمایا، کےا تو ایسے شخص سے آگے آگے چلتا ہے جو تجھ سے بہتر ہیں، بےشک ابوبکر ہر اس شخص سے بہتر ہیں جس پر شب وروز کا گزر ہے۔اور ابو نُعیم نے اس حدیث کو فضائل صحابہ میں روایت کیا اس کے الفاظ یہ ہیں کہ، کیا تو ایسے شخص کے آگے آگے چلتا ہے جو تجھ سے بہتر ہیں کیا تو نہیں جانتا کہ ہر وہ شخص جس پر سورج طلوع یا غروب ہوتا ہے، ابو بکر ان سب سے بہتر ہیں، انبیاءومرسلین کے بعد سورج کسی ایسے شخص پر نہ طلوع ہوا اور نہ غروب ہوا جو ابو بکر سے افضل ہو۔(یعنی آپ ﷺ بعد الانبیاءعلیہم السلام سب سے افضل ہیں)۔

انیسویں حدیث

عن ابن عمر [رضي الله عنهما] أن رسول الله ﷺ قال: ’’أتاني جبريل فقال لي: يا محمد إن الله يأمرك أن تستشير أبا بكر‘‘۔ أخرجه تمام

حضرت عبد اللہ بن عمر رضی اللہ عنہما سے مروی ہے کہ رسول اللہ ﷺ نے فرمایا، میرے پاس جبریل حاضر ہوئے، مجھ سے عرض کی، اے محمد(ﷺ)! بے شک اللہ تعالیٰ آپ کو حکم فرماتا ہے کہ آپ ابو بکر (رضی اللہ عنہ) سے مشورہ لیں۔اسے تمام (الرازی) نے تخریج کیا۔

اٹھارہویں حدیث

عن علي [رضی اللہ عنہ ] أن رسول الله ﷺ قال: ’’أتاني جبريل فقلت: من يهاجر معي قال: أبو بكر، وهو يلي أمتك بعدك، وهو أفضل أمتك‘‘۔ أخرجه الديلمي

حضرت علی رضی اللہ عنہ سے مروی ہے کہ رسول اللہ ﷺ نے فرمایا، جبریل میری خدمت میں حاضر ہوئے تو میں نے ان سے کہا، میرے ساتھ کون ہجرت کرے گا؟ عرض کی، ابو بکر (رضی اللہ عنہ) وہی آپ کے بعد آپ کی امت کے والی ہیں اور وہی آپ کی امت میں سب سے افضل ہیں۔اسے دیلمی نے تخریج کیا۔

سترہویں حدیث

عن أبي هريرة رضی اللہ عنہ أن رسول الله ﷺ قال: ’’أتاني جبريل فأخذ بيدي فأراني باب الجنة الذي يدخل منه أمتي‘‘۔ قال أبو بكر: وددت أني كنت معك حتى أنظر إليه، قال: ’’أما إنك يا أبا بكر أول من يدخل الجنة من أمتي‘‘۔ أخرجه أبو داود وغيره، وصححه الحاكم من طريق آخر

حضرت ابو ہریرہ رضی اللہ عنہ سے مروی ہے کہ رسول اللہ ﷺ نے فرمایا، میرے پاس جبریل حاضر ہوئے اور میرا ہاتھ پکڑ کر مجھے جنت کا دروازہ دکھایا جس سے میری امت داخل ہوگی۔ تو حضرت ابو بکر رضی اللہ عنہ نے عرض کی، یا رسول اللہ! میری خواہش ہے کہ میں بھی آپ کے ساتھ ہوتا تاکہ جنت دیکھ لیتا۔ تو نبی کریم ﷺ نے فرمایا، ارے ابو بکر!.... آپ تو جنت میں داخل ہونے والوں میں میری امت کے پہلے شخص ہیں۔اس حدیث کو امام ابو داؤد وغیرہ نے تخریج کیا۔ اور امام حاکم نے دوسری سند سے اسے صحیح قرار دیا۔

سولہویں حدیث

عن أنس [رضی اللہ عنہ] أن رسول الله ﷺ قال: ’’أبو بكر وزيری يقوم مقامي، وعمر ينطق بلساني، وأنا من عثمان وعثمان مني، كأني بك يا أبا بكر تشفع لأمتي‘‘۔ أخرجه ابن النجار. ووصف عمر بما ذكر لأنه من المحدثين الذين تنطق الملائكة على ألسنتهم فاعلم

حضرت انس رضی اللہ عنہ سے مروی ہے کہ رسول اللہ ﷺ نے فرمایا، ابو بکر میرے قائم مقام وزیر ہیں، اور عمر میری زبان سے گویا ہیں اور میں عثمان سے ہوں اور عثمان مجھ سے جیسا کہ میں آپ سے ہوں اے ابو بکر! آپ میری امت کی شفاعت فرمائیں گے۔اس حدیث کو ابنِ نجّار نے تخریج کیا اور حضرت عمر کا یہی وصف بیان کیا کیونکہ انہیں اِلہام ہوتا اور ان کی زبان پر فرشتے بولتے تھے پس جان لو!!۔

پندرہویں حدیث

عن عائشة [رضي الله عنها] أن رسول الله ﷺ قال: ’’أبو بكر عتيق الله من النار‘‘۔ أخرجه أبو نعيم في المعرفه

ام المؤمنین سیدہ عائشہ صدیقہ رضی اللہ عنہا سے مروی ہے کہ رسول اللہ ﷺ نے فرمایا، ابو بکر اللہ کی جانب سے آگ سے آزاد شدہ ہیں۔اسے ابو نُعَیم نے معرفہ میں تخریج کیا۔

چودہویں حدیث

عن أبي هريرة [رضی اللہ عنہ] أن رسول الله ﷺ قال: ’’أبو بكر وعمر خير أهل السموات وأهل الأرض، وخير من بقي إلى يوم القيامة‘‘۔ أخرجه الديلمي.

حضرت ابو ہریرہ رضی اللہ عنہ سے مروی ہے کہ رسول اللہ ﷺ نے فرمایا، ابو بکر اور عمر آسمان والوں اور زمین والوں میں بہترین ہیں، اور قیامت تک باقی رہنے والوں سے بھی بہتر ہیں۔اسے دیلمی نے تخریج کیا۔

تیرہویں حدیث

عن عائشة رضي الله عنها أن رسول الله ﷺ قال: ’’أبو بكر مني وأنا منه، وأبو بكر أخي في الدنيا والآخرة‘‘۔ أخرجه الديلمي.

ام المؤمنین سیدہ عائشہ صدیقہ رضی اللہ عنہا سے مروی ہے کہ رسول اللہ ﷺ نے فرمایا، ابو بکر مجھ سے ہیں اور میں ان سے، اور ابو بکر دنیا وآخرت میں میرے بھائی ہیں۔ اس حدیث کو دیلمی نے تخریج کیا۔

بارہویں حدیث

عن ابن عباس [رضي الله عنهما] أن رسول الله ﷺ قال: ’’أبو بكر وعمر مني بمنـزلة هارون من موسى‘‘۔ أخرجه الخطيب في تاريخه وغيره.

حضرت عبد اللہ بن عباس رضی اللہ عنہما سے مروی ہے کہ رسول اللہ ﷺ نے ارشاد فرمایا، ابو بکر وعمر مجھ سے اس طرح ہیں جس طرح حضرت ہارون علیہ السلام حضرت موسیٰ علیہ السلام سے۔ اس حدیث کی تخریج خطیب بغدادی نے اپنی تاریخ میں کی۔

گیارہویں حدیث

عن ابن مسعود رضی اللہ عنہ أن رسول الله ﷺ قال: ’’أبو بكر وعمر مني كعيني في رأسي، وعثمان بن عفان مني كلساني في فمي، وعلي بن أبي طالب مني كروحي في جسدي‘‘. أخرجه ابن النجار

حضرت عبد اللہ بن مسعود رضی اللہ عنہ  سے مروی ہے کہ رسول اللہ ﷺ نے فرمایا، ابو بکر اور عمر مجھ سے ہیں جیسا کہ میری آنکھیں میرے سرمیں اور عثمان بن عفان مجھ سے ہیں جیسا کہ میری زبان میرے دہن میں اور علی بن ابی طالب مجھ سے ہیں جیسے میری روح میرے جسم میں۔اسے ابنِ نجار نے تخریج کیا۔

دسویں حدیث

عن ابن عباس [رضي الله عنهما] أن رسول الله ﷺ قال: ’’أبو بكر صاحبي ومؤنسي في الغار فاعرفوا له ذلك، فلو كنت متخذاً خليلاً لاتخذت أبا بكر‘‘۔ أخرجه عبد الله بن الإمام أحمد في زوائد المسند والديلمي وغيرهما۔

حضرت عبد اللہ بن عباس رضی اللہ عنہما سے مروی ہے کہ رسول اللہ ﷺ نے فرمایا، ابو بکر میرے ساتھی و میرے یارِ غار ہیں، ان کے (بلند) مرتبہ کو جان لو! پس اگر میں (سوائے اللہ کے) کسی کو دوست بناتا تو ابو بکر کو بناتا۔ اس حدیث کو امام احمد نے زوائدِ مسند میں اور دیلمی وغیرہ نے تخریج کیا۔

نویں حدیث

عن عكرمة بن عمار عن إياس بن سلمة بن الأكوع عن أبيه رضی اللہ عنہم أن رسول الله ﷺ قال: ’’أبو بكر خير الناس بعدي، إلا أن يكون نبي‘‘۔ أخرجه ابن عدي والطبراني في الكبير وغيرهما۔

حضرت عکرمہ بن عمار سے مروی، وہ اِیاس بن سَلَمہ بن اَکوَع سے، وہ اپنے والد (رضی اللہ عنہم) سے روایت کرتے ہیں کہ رسول اللہ ﷺ نے فرمایا، ابو بکر میرے بعد تمام لوگوں میں بہترین ہیں سوائے انبیاءکے۔ اس حدیث کو ابنِ عدی نے اور طبرانی نے کبیر میں اور ان دونوں کے علاوہ دیگر نے تخریج کیا۔

آٹھویں حدیث

عن أبي هريرة رضی اللہ عنہ أن رسول الله ﷺ قال: ’’أبو بكر وعمر خير الأولين وخير أهل السموات وخير أهل الأرض، إلا النبيين والمرسلين‘‘۔ أخرجه ابن عدي والحاكم في الكنى، والخطيب في تاريخه۔

حضرت ابو ہریرہ رضی اللہ عنہ سے مروی ہے کہ رسول اللہ ﷺ نے فرمایا کہ ابو بکر وعمر اگلوں میں بہترین ہیں، آسمان وزمین والوں میں بہترین ہیں سوائے انبیاءومرسلین (علیہم السلام) کے۔اسے ابن عدی نے کامل میں اور حاکم نے کنیٰ میں اور خطیب بغدادی نے اپنی تاریخ میں تخریج کیا۔

ساتویں حدیث

عن شداد بن أوس رضی اللہ عنہ  أن رسول الله ﷺ  قال:’’أبو بكر أرأف أمتي وأرحمها، وعمر خير أمتي وأعدلها، وعثمان بن عفان أحيى أمتي وأكرمها، وعلي بن أبي طالب ألبّ أمتي وأشجعها، وعبد الله بن مسعود أبر أمتي وأمنها، وأبو ذر أزهد أمتي وأصدقها، وأبو الدرداء أعبد أمتي وأتقاها، ومعاوية بن أبي سفيان أحكم أمتي وأجودها‘‘۔ أخرجه ابن عساكر وضعفه، وأخرجه غيره أيضاً۔

حضرت شداد بن اوس رضی اللہ عنہ سے مروی ہے کہ رسول اللہ ﷺ نے فرمایا، ابو بکر میری امت کے سب سے بڑے مہربان ورحم کرنے والے ہیں، اور عمر میری امت میں بہتر اور سب سے بڑھ کر انصاف کرنے والے ہیں، اور عثمان بن عفان میری امت میں سب سے زیادہ حیا فرمانے والے اور معظَّم ہیں اور علی بن ابی طالب میری امت کے صاحبِ استقامت اور شجاعت مند ہیں، اور عبد اللہ بن مسعود میری امت کے نیک تر اور احسان کرنے والے ہیں اور ابو ذر میری امت کے زاہد تر اور سچے ہیں، اور ابو درداءمیری امت کے بڑے عبادت گزار ومتقی ہیں، اور معاویہ بن ابی سفیان بہتر حاکم وبڑے سخی ہیں۔ اس حدیث کو ابنِ عساکر نے تخریج کرکے ضعیف قرار دیا، اور ان کے علاوہ دیگر نے بھی اس حدیث کی تخریج کی۔

چھٹی حدیث

عن جابر رضی اللہ عنہ أن رسول الله ﷺ  قال:’’أبو بكر الصديق وزيري وخليفتي على أمتي من بعدي، وعمر ينطق على لساني، وعلي ابن عمي وأخي وحامل رايتي، وعثمان مني وأنا من عثمان‘‘۔ أخرجه الطبراني في الكبير، وابن عدي في الكامل وغيرهما۔

حضرت جابر رضی اللہ عنہ سے مروی ہے کہ رسول اللہ ﷺ نے فرمایا، ابو بکر صدیق رضی اللہ عنہ میرے وزیر ہیں اور میرے بعد میری امت پر میرے خلیفہ ہیں، اور عمر رضی اللہ عنہ میری زبان سے گویا ہوتے ہیں، اور علی رضی اللہ عنہ میرے چچا زاد اور میرے بھائی ہیں اور میرے عَلَم بردار ہیں، اور عثمان رضی اللہ عنہ مجھ سے ہیں اور میں عثمان سے۔ اس حدیث کی تخریج امام طبرانی نے کبیر میں اور ابنِ عدی نے کامل میں اور انکے علاوہ دیگر نے کی۔

پانچویں حدیث

عن ابن عباس [رضي الله عنهما] أن رسول الله ﷺ  قال: ’’أبو بكر وعمر من هذا الدين، كمنـزلة السمع والبصر من الرأس‘‘۔  أخرجه ابن النجار، وأخرجه الخطيب في تاريخه عن جابر۔

حضرت عبد اللہ بن عباس رضی اللہ عنہما سے مروی ہے کہ رسول اللہ ﷺ نے فرمایا، ابو بکر اور عمر اس دین (اسلام) میں اس مرتبہ پر ہیں جیسے سر میں کان اور آنکھ۔اس حدیث کی ابنِ نجّار نے تخریج کی اور خطیب (بغدادی) نے اسے اپنی تاریخ میں حضرت جابر رضی اللہ عنہ سے تخریج کیا۔

چوتھی حدیث

عن المطلب بن عبد الله بن حنطب عن أبيه عن جده -وماله غيره- أن رسول الله ﷺ  قال: ’’أبو بكر وعمر مني كمنـزلة السمع والبصر من الرأس‘‘۔  أخرجه البارودي وأبو نعيم وغيرهما۔

حضرت مطلب بن عبد اللہ بن حنطب اپنے والد اور وہ ان کے دادا سے روایت کرتے ہیں کہ رسول اللہ ﷺ نے فرمایا، ابو بکر اور عمر مجھ سے یوں ہیں جس طرح کان اور آنکھ سر میں (اہم) ہوتے ہیں۔اس حدیث کو امام بارودی اور ابو نعیم وغیرہما نے تخریج کیا۔

تیسری حدیث

 عن سعيد بن زيد   أن رسول الله  ﷺ قال: ’’أبو بكر في الجنة، وعمر في الجنة، وعثمان في الجنة، وعلي في الجنة، وطلحة في الجنة، والزبير في الجنة، وعبد الرحمن بن عوف في الجنة، وسعد بن أبي وقاص في الجنة، وسعيد بن زيد في الجنة، وأبو عبيدة بن الجراح في الجنة‘‘.  أخرجه الضياء في مختاره، وجمع آخرون۔

حضرت سعید بن زید رضی اللہ عنہ سے مروی ہے کہ رسول اللہ ﷺ نے فرمایا، ابو بکر جنت میں ہیں، عمر جنت میں ہیں عثمان جنت میں ہیں، علی جنت میں ہیں، طلحہ جنت میں ہیں، زبیر جنت میں ہیں، عبد الرحمن بن عوف جنت میں ہیں، سعد بن ابی وقاص جنت میں ہیں، سعید بن زید جنت میں ہیں اور عبیدہ بن الجراح جنت میں ہیں۔(رضی اللہ تعالیٰ عنہم اجمعین) اس حدیث کی تخریج ضیاءنے اپنی مختار میں کی اور کئی (محدثین) نے جمع کیا۔

دوسری حدیث

عن أنس رضی اللہ عنہ أن رسول اللہ ﷺ قال: ’’ أبو بكر وعمر سيدا كهول أهل الجنة من الأولين والآخرين، ما خلا النبيين والمرسلين‘‘. أخرجه الضياء في مختاره، وجمع كثيرون

حضرت انس رضی اللہ عنہ سے مروی ہے کہ رسول اللہ ﷺ نے فرمایا، ابو بکر وعمر جنت کے درمیانی (ادھیڑ) عمر والے اگلے پچھلوں (سب) کے سردار ہیں سوائے انبیاءورسولوں کے۔اس حدیث کی تخریج ضیاءنے اپنی مختار میں کی اور کئی (محدثین) نے جمع کیا۔

پہلی حدیث

عن عائشة [رضي الله عنها] أن رسول اللهﷺ قال: ’’أبى الله والمؤمنون أن يختلفوا عليك يا أبا بكر‘‘ أخرجه الإمام أحمد

ام المؤمنین  سیدہ عائشہ صدیقہ رضی اللہ عنہا سے مروی ہے کہ رسول اللہ ﷺ نے فرمایا، اے ابو بکر! اللہ اور مومنوں نے انکار کردیا کہ آپ کی ذات پر اختلاف کریں۔امام احمد نے اس کی تخریج فرمائی۔